भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

काठमाडौं मखनटोलमा भीषण आगलागी, एक महिलाको ज्यान गयो

काठमाडौं मखनटोलमा भीषण आगलागी, एक महिलाको ज्यान गयो

काठमाडौं,  ३१ वैशाख । काठमाडौं महानगरपालिका वडा नम्बर २४ अन्तर्गतको मखनटोलस्थित एक घरमा आगलागी हुँदा एक महिलाको ज्यान गएको छ। प्रहरीका अनुसार मृतकको सनाखत अझै हुन बाँकी छ।

आगलागी मखन गल्लीमा रहेको दयाराम श्रेष्ठको चारतले कच्ची घरबाट सुरु भएको हो। प्रारम्भिक अनुसन्धान अनुसार, घरको तेस्रो तल्लामा ग्यास लिक भएर आगो सल्किएको बताइएको छ।आगलागीको असरले छेउमै रहेको रुकेश श्रेष्ठको पक्की पाँचतले घरमा समेत क्षति पुगेको छ।

आगो नियन्त्रणमा लिन काठमाडौं र ललितपुर महानगरपालिकाका दमकलसहित नेपाली सेना, सशस्त्र प्रहरी बल, नेपाल प्रहरी र महानगर प्रहरी परिचालन गरिएको थियो। कुल ६ वटा दमकलको सहयोगमा आगो नियन्त्रणमा ल्याइएको हो। घटनाबारे थप अनुसन्धान भइरहेको प्रहरीले जनाएको छ।

 


Thali Mobile Pvt.Ltd.