किस्ताबन्दी बक्यौता बुझाउन ३० दिने अल्टिमेटम

काठमाडौं । किस्ताबन्दीमा बक्यौता रकम बुझाउने सुविधा लिनेका लागि ३० दिनभित्र उपस्थित हुन नेपाल विद्युत प्राधिकरणले निर्देशन दिएको छ ।

पुस १६ गतेको प्राधिकरण बैठकले विद्युत सेवा प्राप्त गरी बक्यौता रकम बाँकी रहेकाका लागि किस्ताबन्दीमा रकम बुझाउने व्यवस्था गर्ने निर्णय गरेको हो ।

प्राधिकरणका विभिन्न संचरणाबाट विद्युत सेवा प्राप्त गरेका सेवाग्राहीका लागि बढीमा ६० महिनासम्म किस्ताबन्दीको व्यवस्था गरिने जनाएको छ ।

यो सेवा लिनका लागि प्राधिकरणको सम्बन्धित वितरण केन्द्रमा ३० दिनभित्र आवेदन दिन सूचना जारी गरेको छ ।