‘प्रचण्ड’ नेतृत्वको सरकार अगाडि बढे देशलाई दुर्भाग्य हुने ओलीको दाबी

काठमाडौँ । एमालेका अध्यक्ष केपी शर्मा ओलीले गठबन्धन सरकार धेरै चल्ने र टिक्नेवाला नभएको टिप्पणी गरेका छन् ।

मध्यपहाडी यात्राअन्तर्गत आयोजित कार्यक्रममा उनले पुष्पकमल दाहाल ‘प्रचण्ड’ नेतृत्वको सरकार कथम कदाचित अगाडि बढे देशलाई दुर्भाग्य हुने बताउदै आएका छन् ।

ओलीले भने, ‘यो कुहिएको फलजस्तो छ, यसलाई झारेन भने पनि आफैँ झर्छ । यो सरकार कुनै हालतमा पनि अगाडि बढ्न सक्ने अवस्थामा छैन ।’

गठबन्धन सरकारमा रहेका दलहरू कसरी एमालेलाई कमजोर बनाउने भनेर लागेको जिकिर गरे । मिसन ८४ मा एमालेले बहुमत नल्याए देशको अस्तित्व सङ्कटमा पर्ने जिकिर गरे ।