- १२ जेष्ठ २०८३, मंगलवार / May 26, 2026
काठमाडौं । हेटौँडा–काठमाडौँलाई जोड्ने हेटौँडा कुलेखानी सिस्नेरी सडकमा दुईतर्फी यातायात सञ्चालनमा आएका छन् ।
मकवानपुरको इन्द्रस्वरोवर गाउँपालिका–२ सिमखोलास्थित सडकमा ह्युमपाइप राखेर मर्मतसम्भार भएपछि सडक दुईतर्फी नै यातायात सञ्चालनमा आएको मकवानपुर जिल्ला प्रहरी कार्यालयले जनाएको छ ।
गत असोज १० देखि १२ गतेसम्मको अविरल वर्षासँगै आएको बाढी र पहिराले सडक क्षतिग्रस्त भएको थियो । तत्काल मर्मतसम्भार गरेर असोज २० गतेदेखि सडकमा यातायात सञ्चालन भए पनि सडकमा ह्युमपाइप राख्नुपर्ने जनाउँदै कात्तिक २ गतेदेखि एकतर्फी मात्र बाटो खुलेको थियो ।
सडकको मर्मत सम्पन्न भएपछि दुईतर्फी बाटो सञ्चालनमा आएको प्रवक्ता प्रहरी नायब उपरीक्षक श्यामु अर्यालले बताए ।
