- ३१ असार २०८३, बुधबार / Jul 15, 2026
काठमाडौं । बक्यौता नर्तिने उद्योगमा पुन लाइन दिएको छ । विद्युत प्राधिकरणबीच मिलानको विषयमा चर्किएको विवाद मत्थर हुने अवसर आएको छ । बक्यौता दावी गर्दै आएको प्राधिकरणले उद्योगीहरुबाट जसरी पनि रकम उठाउने अडान लिँदै आएको थियो ।
प्राधिकरणले बक्यौता तिर्न बाँकी रहेका उद्योगहरुको विद्युत समेत काट्यो ।तर उद्योगीहरु पनि विनाप्रमाणको बक्यौता नतिर्ने भन्दै आफ्नै अडानमा रहेका थिए । त्यसपछि ‘डेडिकेडेट फिडर’ र ‘ट्रंक लाइन’मार्फत विद्युत उपभोग गर्ने ग्राहक र प्राधिकरणबीचको विवादले उग्र रुप लिने अवस्था आयो ।
शुक्रबार प्राधिकरणले काटेको विद्युत पुनः आपूर्ती गर्ने भएपछि अव यो विषय मत्थर भएको छ । प्राधिकरण सञ्चालक समितिको बैंठकले उपभोग गरेबापतको महसुल बक्यौता भएका ग्राहकहरूको विद्युत लाइन जोडिदिने निर्णय गर्यो ।
यसअघि मन्त्रिपरिषद बैठकले लाइन काटिएका उद्योगहरुमा बिजुली जोडिदिन प्राधिकरणलाई निर्देशन दिने निर्णय गरेको थियो । मन्त्रिपरिषद बैठकको निर्णयसम्बन्धी सो पत्र ऊर्जा मन्त्रालयबाट प्राधिकरणमा आएको थियो । तर प्राधिकरणले तत्काल विद्युत नजोडिदिने अडान लियो । हाल सतहमा आएको विद्युतको महसुल विवाद २०७५ सालदेखिकै हो ।
