- १४ जेष्ठ २०८३, बिहीबार / May 28, 2026
काठमाण्डौं । बाजुराको हिमाली गाउँपालीका २ मा अवस्थित कुवाडी नदी थुनिएको छ । कुवाडी नदी नजिकैबाट पहिरो गएका कारण नदी थुनिएको हो ।लगत्तै नदीमा पानीको सतह घटेको र दिउँसोदेखि सामान्य अवस्थामा पानी बग्न थालेको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ ।
तर पानी सञ्चित भएर बसेको हुन सक्ने र कमजोर चट्टान भएका कारण एक्कासी पहिरो खोलिँदा तल्लो तटीय क्षेत्रमा नदीको जलसतह एक्कासी बढ्न सक्ने भएकाले बाजुराको तटीय क्षेत्रमा बस्नेहरुलाई आज दिउँसोसम्म उच्च सतर्कता अपनाउन प्राधिकरणले अनुरोध गरेको छ ।
कुवाडी नदी र कर्णाली नदीको आसपास क्षेत्रमा कुनै पनि समयमा पहिरो जान सक्ने भएको हुँदा नदी आसपासका बस्तीहरुमा सतर्कता अपनाउन प्रशासनले पनि अनुरोध गरेको छ ।
