- २७ असार २०८३, शनिबार / Jul 11, 2026
काठमाडौं । लैनचौरस्थित खड्का ल्यान्ड डेभलपेमन्ट प्रालिले सम्झौता विपरीत भोगचलन गरेको लैनचौर बैंक्वेट आज साँझबाट सिल गर्ने निर्णय गरिएको छ । काठमाडौँ महानगरपालिका–२६ स्थित स्काउटको पूर्ण स्वामित्वमा रहेको भवनहरू अहिले सिल गर्ने काम भइरहेको काठमाडौँका प्रमुख जिल्ला अधिकारी जितेन्द्र बस्नेतले बताए ।
‘ विवाहको कार्यक्रम पहिले नै तय भएको हुनाले बैंक्वेट हलचाहिँ भोलि साँझसम्म चल्न दिन्छौँ ।’ उनले भने । बैंक्वेटमा प्रहरीको निगरानीमा राखिने प्रजिअ बस्नेतले बताए । नेपाली कांग्रेसका सांसद एवं पूर्व राज्यमन्त्री दीपक खड्काको ‘खड्का ल्यान्ड डेभलपमेन्ट प्रालि’ ले भाडा नतिरिकन भवन भाडामा लगाएर तथा बैंक्वेट पनि सञ्चालन गर्दै आएको थियो ।
स्काउटसँग गरेको सम्झौता सकिए पनि खड्का ल्याण्डले अवैध तरिकाले भोगचलन गरेपछि स्काउटका निर्देशक रामप्रसाद भट्टराईले खड्का ल्यान्डलाई हटाउन पहल गरिरहेको बुझिएको छ ।
