- २३ बैशाख २०८३, बुधबार / May 6, 2026
काठमाडौँ । सबैभन्दा कम खर्च अमेरिकाको मिलिनियम च्यालेञ्ज कर्पोरेसन अन्तर्गतको कार्यक्रममा भएको छ । कार्यक्रममा विनियोजित बजेटको जम्मा ८ प्रतिशत बजेट खर्च भएको अर्थ मन्त्रालयले जनाएको छ ।
विदेशी दातृ निकायबाट स्रोत सुनिश्चित भइ अघि बढेका आयोजना मध्ये अमेरिकाको मिलिनियम च्यालेञ्ज कर्पोरेसन अन्तर्गतको कार्यक्रममा सबै भन्दा कम प्रगति भएको हो ।
सरकारले संसदमा प्रस्तुत गरेको चालु आर्थिक वर्षको पहिलो ६ महिनाको विवरणमा यस्तो कमजोर अवस्था अमेरिकाको मिलिनियम च्यालेञ्ज कर्पोरेसन अन्तर्गतको कार्यक्रम रहेको छ ।
यो अवधिमा दातृ निकायको सहयोगमा अघि बढेका आयोजनको प्रगति जम्मा १७–७० प्रतिशत देखिएको छ । विभिन्न दातृ निकायमध्ये १३ वटा कार्यक्रम अन्तर्गत २ खर्ब ३ अर्ब ६७ करोड ७८ लाख रुपैयाँ बजेट विनियोजन भएको थियो । त्यसमध्ये ३६ अर्ब ६ करोड ७१ लाख रुपैयाँ बजेट खर्ब भएको अर्थ मन्त्रालयले जनाएको छ ।
वैदेशिक स्रोतमध्ये प्रतिशतका आधारमा दोस्रो सबैभन्दा कम खर्च भएको एडीबीको खर्च सबैभन्दा कम देखिएको छ । यो शीर्षमा ७१ अर्ब ५८ करोड २९ लाख विनियोजन गरिएकोमा ६ अर्ब ७० करोड ३३ लाख अर्थात् ९.३६ प्रतिशत बजेट खर्च भएको अर्थ मन्त्रालयले जनाएको छ ।
नेपाल स्कुल एजुकेसनल सेक्टर प्लान (एसईएसपी) र आईएमएफको विस्तारित कर्जा सुविधाको प्रगति ३५ प्रतिशतभन्दा धेरै देखिएको छ । युरोपियन इन्भेष्टमेन्ट बैंकको ३२ प्रतिशत, एडीबीको पब्लिक फाइनान्सियल म्यानेजमेट कार्यक्रमको २९ प्रतिशत बजेट खर्ब भएको मन्त्रालयले जनाएको छ ।
