- ८ असार २०८३, सोमबार / Jun 22, 2026
काठमाण्डौ । देशका विभिन्न ठाउँमा हल्कादेखि मध्यम वर्षा भएको छ । काठमाण्डौ उपत्यकासहित सोमवारदेखि मौसम बदली हुँदै आएपनि बिहीबार मात्रै वर्षा भएको हो । शुक्रबारबाट मौसममा क्रमिक सुधार हुँदै जाने मौसमविद्ले बताएका छन् ।
पश्चिमबाट मौसममा सुधार हुँदै जानेछ भने कोशीसहित पहाडी भेगमा शुक्रबार पनि बदलीको सम्भावना रहेको मौसमविद्ले बताएका छन् । कोशी र गण्डकीका पहाडी भेगका केही ठाउँमा छिटपुटदेखि हल्का वर्षाको सम्भावना रहेको मौसम पूर्वानुमान महाशाखाले जनाएको छ ।
बिहीबार काठमाण्डौ उपत्यकाकासहित पहाडी भेगमा पानी परेको हो । काठमाण्डौमा मौसम खराबीका कारण हवाई उडान र अवतरणमा समस्या भएको थियो । पानी पर्न रोकिएपछि बिहीबार बेलुकीदेखि नै आन्तरिक र अन्तर्राष्ट्रिय दुवै उडान नियमित रुपमा सञ्चालन भैरहेको त्रिभुवन अन्तर्राष्ट्रिय विमानस्थलले जनाएको छ ।
बिहीबार उच्च पहाडी तथा हिमाली भेगका थोरै ठाउँमा हिमपात भएको छ । काठमाण्डौ वरपरका डाँडामा पनि हल्का हिमपात भएको छ ।
