- २३ श्रावण २०८३, शनिबार / Aug 8, 2026
काठमाण्डौं । बलात्कारपछि हत्या गरिएकी कञ्चनपुरकी १३ वर्षीया निर्मला पन्तको दुई वर्ष दुई महिनापछि प्रहरीले फेरि घटनासम्बद्ध पुराना फाइल पल्टाउन थालेको छ । निर्मला हत्या प्रकरणलाई छिट्टै टुंगोमा पु¥याउने प्रहरी महानिरीक्षक शैलेश थापा क्षेत्रीले बताइरहेका बेला प्रहरीले सो घटनासंग सम्बन्धित पुराना अनुसन्धान फाइल तथा मिसिल फेरि पल्टाउन थालेको हो ।
नेपाल प्रहरीका केन्द्रीय प्रवक्ता एसएसपी कुवेर कडायतले निर्मला हत्या प्रकरणको अनुसन्धानका लागि प्रहरी टोली सक्रिय रहेको, पुराना मिसिलसमेत अध्ययन हुँदै गरेको र पुराना फाइलको अध्ययनसँगै प्रहरीले पहिले अनुसन्धानमा तानिएर छुटेका र नयाँ सम्भावित अनुहारलाई समेत उच्च निगरानी गरिरहेको बताए ।
प्रवक्ता एसएसपी कडायतले भने, ‘अनुसन्धानको गतिले अहिले लय लिएको छ, अनुसन्धान निष्कर्ष नजिक छ, केही समयभित्रै सत्यतथ्य बाहिर आउँछ ।’ उनले पहिले अनुसन्धानका क्रममा तानिएर छाडिएकाहरूको समेत मुद्दा नटुंगिएका कारण उनीहरू पनि अनुसन्धानकै क्रममा रहिरहने जनाएका हुन् ।
निर्मला पन्तको १० साउन २०७५ मा उनको घरनजिकै उखुबारीमा बलात्कार पछि हत्या गरिएको थियो । प्रहरीले उनको शवलाई ११ गते बिहान नियन्त्रणमा लिएको थियो ।
आजको राजधानी दैनिकबाट….
