- २४ आश्विन २०८३, शनिबार / Oct 10, 2026
काठमाडौं । भदौ १० गते प्रहरीको उच्च निगरानीका साथ एक साता सत्याग्रह स्थगित गरेका डा. गोविन्द केसी ११ गते विशेषज्ञ स्वास्थ्य सेवा दिन भन्दै गुठिचौर गाउँपालिकाको स्वास्थ्यचौकीमा पुगे ।
झोलामा औषधि उपचारका सामग्री लिएर साढे १० बजे स्वास्थ्यचौकी पुगेका थिए । स्वास्थ्यकर्मी र डा. गोविन्द केसीबीच सञ्चो बिसञ्चोको आदान प्रदान भयो । नामी डाक्टरको उपस्थितिले स्थानीय निकै उत्साहित थिए । एकजना औंलामा चोट लागेकी महिलाको उपचार गर्न डा. गोविन्द केसी जब तयार भए तब स्वास्थ्यचौकी इन्चार्जले सुनाए, ‘डाक्टरसाब डा.केसी आउँदैछन्, काम गर्न नदिनु भन्ने आदेश छ ।
हामी अन्यौलमा पर्यौं ।’ त्यसपछि एक घण्टा पनि नबसेर सदरमुकाम खलंगातिर फर्किए । स्वास्थ्यचौकीमा रहँदासम्म डा.केसीले कोरानाबाट बच्न अनिवार्य मास्क लगाउन, साबुनपानीले हात धुन र सामाजिक दूरी कायम गर्न सुझाइरहेका थिए । डा. गोविन्द केसी भन्छन्, ‘त्यो दिन जिन्दगीकै पहिलोपटक निरास भए । तर जनताको स्वास्थ्य सेवा गर्नको लागि हिम्मत हारेको छैन् ।’
होटलबाट सुरक्षाकर्मीको उच्च निरानीका साथ उनी गाउँमा गएका थिए । गोलघरमा बिरामी टन्न थिए । मास्कको प्रयोग भएको थिए। दूरी कायमको त कुरै छाडौँ, स्वास्थ्यकर्मीले समेत जनस्वास्थ्य तथा सुरक्षा मापदण्डको कुनै पालना गरेका थिएनन् । नजिकैको सुरक्षाकर्मीले पनि कुनै मापदण्डको पालना गरेका थिएनन्,’ डा. गोविन्द केसीले भने, ‘मापदण्डको कार्यन्वयन गर्ने तपाईंहरू नै लापरबाही गर्नुहुन्छ ?
कसरी कोरोना संक्रमण हट्छ।’ जुम्लाको एक गाउँपालिकामा काम गर्न नदिएर निरास मनकासाथ खलंगा फर्किएका डा. केसीको मन जनताको सेवा गर्नबाट पछि हटेन । उनी अर्को दिन पातारासी गाउँपालिकाको उर्थुको स्वास्थ्यचौकीमा तीन दिन बसेर विशेषज्ञ सेवा दिए। नागरिकबाट…
