चाडपर्वलक्षित सेफ्टी पिन अभियान

काठमाडौं । महानगरीय प्रहरी कार्यालयले नजिकिँदै गरेका चाडपर्वलक्षित उपत्यकामा ‘सेङ्खटी पिन अभियान’ थालेको छ । उपत्यकाका बढी भिडभाड हुने व्यापारिक, आर्थिक, तथा वित्तिय क्षेत्रमा अभियानअन्तर्गत सादा पोशाकमा ४५ प्रहरी खटाइने भएको छ । महानगरीय प्रहरी कार्यालय रानीपोखरीका प्रमुख प्रहरी नायब महानिरीक्षक विश्वराज पोखरेलले तीनै जिल्ला काठमाडौं, भक्तपुर र ललितपुरका बढी भिडभाड हुने स्थानमा पहिलो चरणमा प्रहरी परिचालन हुने जानकारी दिए । ‘सेङ्खटी पिन अभियान’अन्तर्गत खटिने प्रहरी सार्वजनिक सवारी साधन र सार्वजनिक स्थानमा समेत खटिने छन् ।

यसैगरी, सार्वजनिक स्थानमा महिलामाथि हुने यौनजन्य दुर्वव्यवहार न्यूनिकरणका लागि प्रहरी परिचालित हुनेछन् । सादा पोशाकमा खटिने उनीहरूले काठमाडौं भक्तपुर र ललितपुरका बढी भिडभाड हुने क्षेत्र निगरानीमा राख्ने छन् भने चाडबाडका समय हुने चोरी, ठगी तथा पाकेटमारीसमेत नियन्त्रणतर्फ केन्द्रित हुनेछन् । महिला तथा बालबालिकाविरुद्ध हुने विभिन्नखाले यौन तथा लैंगिक हिंसा रोकथाम तथा नियन्त्रणका लागि महिला प्रहरी निरीक्षकसहितको मोबाइल भ्यान पनि २४सैं घण्टा उपत्यकामा परिचालन गरिने भएको छ । राजधानी दैनिकबाट