पाथीभरामा केबलकार : समन्वयका लागि समिति

ताप्लेजुङ । पाथीभरामा केबलकार बनाउने विषयमा स्थानीय बासिन्दाकै राय बाझिएपछि समन्वय समिति बनाइएको छ । केबलकार बनाउने र नबनाउने विषयमा विवाद बढिरहेका बेला जिल्ला समन्वय समितिका प्रमुख छिरिङ लामाको संयोजकत्वमा समिति बनाइएको हो ।

पाथीभरामा केबलकार स् समन्वयका लागि समिति

समितिमा फुङलिङ नगरपालिकाका प्रमुख, पाथीभरा याङवरक, फक्ताङलुङ र सिरिजंगा गाउँपालिका प्रमुखसहितको नौ सदस्यीय समन्वय समिति बनाइएको हो । जसमा प्रमुख जिल्ला अधिकारी, पाथीभरा क्षेत्र विकास समितिका अध्यक्ष, उद्योग वाणिज्य संघका अध्यक्ष पनि रहेका छन् ।

बनाउने र बनाउन नदिने दुवै पक्षलाई बोलाएर आवश्यक समन्वय गरिने समन्वय समितिका संयोजक छिरिङ लामाले जानकारी दिए । केवलकारका विषयमा छलफल गर्न पाथीभरा क्षेत्र विकास समितिले बैठक बोलाएको थियो । बनाउन नदिने समूहले विरोध जनाइरहँदा बनाउनुपर्छ भन्ने समूहको युवा दस्ता सार्वजनिक भएपछि सम्भावित दुर्घटनालाई दृष्टिगत गरी क्षेत्र विकास समितिले छलफल गराएको अध्यक्ष रक्की थेवेले जानकारी दिए ।कान्तिपुर दैनिकबाट।।।