- १८ भाद्र २०८३, बिहीबार / Sep 3, 2026
काठमाडौँ । प्रस्तावित प्रधानन्यायाधीश हरिकृष्ण कार्कीले सर्वोच्च अदालत, उच्च अदालत र जिल्ला अदालतमा गोलाप्रथाबाट पेसी तोक्ने व्यवस्था सुरु गरेपछि न्याय निरुपणमा सहज भएको र अदालतप्रतिको आलोचना घटेको बताएका छन् । उनले गोलाप्रणालीबाट पेसी तोक्दा विगतको भन्दा ६० प्रतिशतले अनियमितता घटेको पनि बताएका छन् । संसदीय सुनुवाइ समितिमा आफ्ना अनुभव सुनाउने क्रममा प्रस्तावित प्रधानन्यायाधीश कार्कीले बिहीबार देशभरबाट गोलाप्रणालीबाट पेसी तोक्ने कुराले सकरात्मक संकेत गरेको बताए ।
पेसी तोक्न गोलाप्रणाली लागू भइसकेपछि जुन कुरा छ्यापछ्याप्ती सुनिन्थ्यो त्यसमा कमी आएको छ । मैले शीर्ष कानुन व्यवसायीहरूसँग कुरा गर्दा सोध्ने गरेको छु कि अहिले कस्तो भइरहेको छ भनेर । देशभरिका कानुन व्यवसायीसँग पनि सोध्ने गरेको छु । उहाँहरूले ६० प्रतिशतसम्म घटेको बताउनुभएको छ,ु उनले भने, ुन्यायिक विचलनको विषयमा जुन कुरा सुन्नुभएको थियो आज त्यो अवस्था छ कि छैन रु भन्दा ६० प्रतिशत भन्दा बढीले घटेको छ भन्नुहुन्छ ।
न्यायिक निकायमा हुने विचलन ६० प्रतिशतले घटेको कुराले आफूलाई गर्व लागेको पनि उनले सुनाए । ुयसलाई गर्वको रूपमा लिन्छौं । कम्तिमा ६० प्रतिशत त घटाउन सकेका छौं । १०० प्रतिशत पुर्याउन सकिन्छ भन्ने लागेको छु, उनले भने । २०७८ मंसिर १५ देखि गोलाप्रणालीबाट पेसी तोक्न सुरु भएको थियो । सर्वोच्चमा तत्कालीन प्रधानन्यायाधीश चोलेन्द्र शमशेर जबराविरुद्ध आन्दोलन चलिरहेको थियो । पेसी व्यवस्थापनका लागि अटोमेसन प्रणाली लागु गर्ने कुरा पनि उठेको थियो । गोला प्रणालीबाट सर्वोच्च, उच्च र जिल्ला अदालतमा पेसी व्यवस्थापन गर्दा मुद्दाको फर्च्यौटमा पनि सकरात्मक परिणाम आएको उनको भनाइ थियो ।
प्रस्तावित प्रधानन्यायाधीश कार्कीले अटोमेसन प्रणालीबाट पेसी व्यवस्थापन गर्ने विषय अध्ययनको चरणमा रहेको बताए । एकपटक अटोमेसनमा गइसकेपछि त्यसबाट पछाडि फर्किन गाह्रो पर्ने भएकाले पहिले नै पर्याप्त अध्ययन भइरहेको उनको भनाइ थियो । त्यो प्रणालीलाई समयमा अपग्रेड गर्न बजेट लगायतका आवश्यक कुरा उपलब्ध हुन सक्छन् कि सक्दैनन् भन्नेलगायतका विषयमा कुरा भइरहेको उनको भनाइ थियो । कान्तिपुर दैनिकबाट…
