स्थानीयले शव बुझेनन्, चालक फरार

जाजरकोट । जुनीचाँदेमा हिजो भएको जीप दुर्घटना मा बडाध्यक्ष सहित ६ जनाको ज्यान गएको छ भने एक जना बेपत्ता भएका छन् । एक जना गम्भीर घाईते छन् । खलङ्गाबाट जुनीचाँदेतर्फ गैरहेको भे १ ज ९३५ नम्बरको जीप जुनीचाँदे गाँउपालिका १ औलभीरमा दिउँसो ३ बजे दुघर्टना मा परेको थियो ।

मृत्यु हुनेमा जुनीचाँदे गाँउपालिका वडा नम्बर ११ का वडाध्यक्ष ५० वर्षिय अमरबहादुर शाही, वडा नम्बर ११ कै ६२ बर्षिय पूर्व जिविस सदस्य कृतिबहादुर शाही , लालबहादुर बुढा र सोही वडाका स्वास्थ्यकर्मी ३२ बर्षिय खेमराज शाहीको मृत्यु भएको हो । त्यस्तै वडा नम्बर ५ गर्खाकोटका २९ बर्षिय स्वास्थ्यकर्मी कृष्णबहादुर शाही र मटेलाकी २५ बर्षिया बीद्यार्थी मालिका बस्नेतको ज्यान गएको जिल्ला प्रहरी प्रमुख डिएसपी किशोर श्रेष्ठले बताए ।

दुर्घटनामा एक जना मजकोट खोलामा बेपत्ता भएका छन् भने वडा नम्बर ११ का ५५ वर्षिय शिक्षक नरबहादुर बुढा गंभिर घाईते भएका छन् । उनको सुर्खेतमा उपचार भइरहेको छ । करीव पाँच सय मिटर तल मजकोट खोलामा खसेको जिप खसेको थियो । ठूलो मानवीय क्षति भएको भन्दै उचित क्षतिपूर्तीको माग स्थानीयले गरेका छन् । आक्रोशमा आएका स्थानीयले चालकको लापरवाहीले दुघर्टना भएको भन्दै शव बुझ्न मानेका छैनन् । परिवार र स्थानीय जनप्रतिनिधिसँग समन्वय गरि पोष्टम मार्टम गरिने जाजरकोटका प्रमुख जिल्ला अधिकारी चेतराज वरालको भनाई छ । गाेरखा पत्रबाट…