कालिञ्चोकमा हिमपात

दोलखा । कालिञ्चोक र शैलुङ क्षेत्रमा शुक्रबार बेलुकाबाट हिमपात शुरु भएको छ । कालिञ्चोकको कुरी तथा आसपासको क्षेत्रमामा हिमपात शुरु भएपछि दर्शन गर्न गएका भक्तजनहरू रमाइरहेका छन् ।

कालिञ्चोक दर्शन र प्राकृतिक क्षेत्र भ्रमणका लागि कालिञ्चोक पुगेका पर्यटकहरु हिउँमा रमाइ रहेका होटल सुनापाति कुरीका सञ्चालक हरी वलीले बताए । पुस र माघ महिनामा हिमपात नभएको ३ हजार ८ सय ४२ मिटर उचाइमा रहेको कालिञ्चोक क्षेत्रमा फागुन १६ गते बेलुका पहिलो पटक हिमपात भएको थियो भने शनिबार बिहानैदेखि हिमपात भइरहेको छ ।

हिउँका कारण शुक्रबार बेलुका कालिञ्चोक पुगेका दर्शनार्थीहरुको गाडी फर्कन सकेको छैनु वलीले भने। शैलुङ क्षेत्रमा पनि शुक्रबारदेखि हिउँ परी रहेको स्थानीयले बताएका छन् । जिल्लाका पर्यटकीय स्थल कालिन्चोक, शैलुङ,चेर्दुङ,खरीढुङ्गा लगायतका स्थानहरूमा हिमपात हुँदा पर्यटकहरूको वृद्धि हुने गर्दछ । हिमपात नहुँदा हिमाली क्षेत्रका कृषक तथा होटल व्यवसायी चिन्तित बनेका थिए ।अन्नपूर्ण पोस्टबाट...