- २६ श्रावण २०८३, मंगलवार / Aug 11, 2026
काठमाडौं । ललितपुरको नख्खुमा क्याम्पस जाँदै गरेकी एक छात्राको आज विहान जीपको ठक्करबाट मृत्यु भएको छ । बिहान पौने ६ बजे स १ ज ५६७ नम्बरको जीपको ठक्करबाट १९ वर्षीया छात्रा अञ्जु दाहालको मृत्यु भएको हो ।
उनी कोटेश्वरको मल्टिपल क्याम्पसमा अध्ययनरत थिइन् । प्रहरीका अनुसार सिन्धुपाल्चोक घर भएकी उनी ललितपुरको बागडोलमा डेरामा बस्दै आएकी थिइन् । सडक पार गर्ने क्रममा उनलाई जिपले ठक्कर दिएको प्रत्यक्षदर्शीहरुको भनाइ छ ।
घटनापछि जिप चालकलाई प्रहरीले पक्राउ गरेको छ ।
यो समाचार राजधानी दैनिकमा छ ।
