निर्माणको म्याद सकियो, काम ६५ प्रतिशत मात्रै

बारा । पथलैया–वीरगंज व्यापारिक मार्ग निर्माणका विभिन्न सात वटा प्याकेजममा काम भइ रहेको छ । कुल ३१ किलोमिटर लम्बाइको उक्त सडक निर्माणका लागि ठेक्का लगाइएका सातवटा योजना मध्ये छ वटा योजनाको म्याद समाप्त भएको छ तर हालसम्म जम्मा ६५ प्रतिशत मात्र काम सम्पन्न भएको छ ।

सा सडक निर्माण कार्य निमा२०७३ असार २९ गतेदेखि शुरु भएको थियो । दुई वर्षमा निर्माण कार्य सम्पन्न हुने योजना अन्तर्गत पथलैयादेखि सुक्खा बन्दरगाहसम्म करिब ३१ किलोमिटर सडक कालोपत्र तथा १० वटा पुल र एउटा कल्र्भट निर्माण गर्नुपर्ने थियो । समग्रमा भन्दा अहिलेसम्म सात वटा योजना मध्ये छ वटा योजनाको म्याद समाप्त भई सकेको छ ।

एउटाको भने असारमा समाप्त हुँदैछ । सात वटा ठेकेदार कम्पनीले पथलैयादेखि सुक्खा बन्दरगाहसम्मको क्षेत्रमा कालोपत्र निर्माणको जिम्मा लिएका छन् । जसमा परवानीपुरदेखि गण्डक नहरसम्म ३.९२ किलोमिटरमा ५५ प्रतिशत, गण्डक नहरदेखि हरपतगंज चोकसम्म ३.५० किमिमा ८५ प्रतिशत र हरतपतगंज चोकदेखि सुक्खा बन्दरगाहसम्म ३.५० किमिमा ४५ प्रतिशत काम सकिएको व्यापारिक मार्ग वीरगंज–पथलैया आयोजना प्रमुख सञ्जय मिश्रले बताए ।

गतवर्ष नै कार्य सम्पन्न भइसक्नुपर्ने यो योजनाको काम पटकपटक म्याद थप भएर यसपटक असार मसान्तसम्मको अन्तिम म्याद दिइएको थियो तर, लकडाउनको कारण देखाउँदै पुनः म्याद थपको प्रयास भएको छ । अन्तिम पटकको लागि पुनः एकपटक म्याद थप गर्न आयोजना कार्यालयबाट बिभागमा सिफारिस भएको ईन्जिनियर दासले बताए । गोरखा पत्रबाट…