नुवाकोटको विभिन्न स्थानमा गोरु जुधाइयो

नुवाकोट । माघे संक्रान्तिका अवसरमा नुवाकोटको विभिन्न स्थानमा गोरु जुधाईको आयोजना गरिएको छ। यसपटक तारुकामा १६ हल गोरु जुधाइएको छ। यहाँ ३५ वर्षदेखि गोरु जुधाई मेला आयोजना हुने गरेको छ। तारकेश्वर गाउँपालिका(३ चन्दनीमा यस पटक महोत्सवका रूपमा गोरु जुधाई मेला गरिएको हो।

नुवाकोटमा माघे सङ्क्रान्तिमा सदियौं पुरानो पहिचान, नमूना, पर्व र पहिचानका रूपमा गोरु जुधाइने गरिएको छ। गोरु जुधाई सोमबार पनि हुने महोत्सव आयोजक समिति अध्यक्ष तथा गोरुपालक किसान मदनकुमार श्रेष्ठले बताए। पन्चकन्या गाउँपालिका( ३ पिपलडाँडामा ११ हल गोरु जुधाइएको आयोजक समितिका संयोजक गणेश खनालले बताए।

विदुर नगरपालिका( १० बेत्रावतीमा यस वर्ष ९ हल गोरु जुधाइएको छ। मेला अवलोकन गर्न नुवाकोटसहित रसुवा, काठमाडौं, धादिङ, गोरखा, चितवन, मकवानपुर, सिन्धुपाल्चोक, काभ्रेबाट समेत आएका छन्। अन्नपूर्णपोष्ट दैनिकबाट….