पहाडी भू–भागका एक दुई स्थानमा हल्का वर्षा हुने

काठमाडौं । जल तथा मौसम विज्ञान विभागको मौसम पूर्वानुमान महाशाखाले पहाडी भू–भागका एक दुई स्थानमा हल्का वर्षाको सम्भावना रहेको जनाएको छ। उल्लेखनीय मौसमी प्रणालीको प्रभाव नभए बताउँदै महाशाखाबाट जारी बुलेटिनमा हाल गण्डकी प्रदेश, बाग्मती प्रदेश र प्रदेश नं १ का पहाडी भू–भागमा आंशिक बदली रहि बाँकी भूभागमा मौसम सामान्यतया सफा रहेको छ। बिहीबार दिउँसो लुम्बिनी, गण्डकी, बाग्मती र प्रदेश नं १ का पहाडी भू–भागमा आंशिकदेखि सामान्य बदली रहनेछ। प्रदेश नं १ का पहाडी भू–भागका एक दुई स्थानमा छिटपुटदेखि हल्का वर्षाको सम्भावना छ। बाँकी स्थानहरुमा मौसम सामान्यतया सफा रहनेछ।

राती लुम्बिनी, गण्डकी, बाग्मती र प्रदेश नं १ का पहाडी भू–भागमा आंशिक देखि सामान्य बदली रहनेछ। देशका बाँकि स्थानहरुमा मौसम सामान्यतया सफा रहनेछ। शुक्रबार देशका पहाडी भू–भागहरूमा आंशिकदेखि सामान्य बदली रहनेछ। प्रदेश नं १, बागमती प्रदेश र गण्डकी प्रदेशका पहाडी भू–भागका एक दुई स्थानमा हल्का वर्षाको सम्भावना छ। बाँकी स्थानहरुमा मौसम आंशिक बदली रहनेछ। शनिबार देशका पहाडी भू–भागहरूमा आंशिक देखि सामान्य बदली रहनेछ। प्रदेश नं १, बागमती प्रदेश र गण्डकी प्रदेशका पहाडी भू(भागका एक दुई स्थानमा हल्का वर्षाको सम्भावना छ। बाँकि स्थानहरुमा मौसम आंशिक बदली रहनेछ। अन्नपूर्ण दैनिकबाट……