महरालाई सीआईबी कार्यालय लगियो

काठमाडौ । भैरहवाबाट पक्राउ परेका माओवादी केन्द्रका उपाध्यक्ष कृष्णबहादुर महरालाई अहिले लाजिम्पाटस्थित प्रहरीको केन्द्रीय अनुसन्धान ब्युरो (सीआईबी) कार्यालय लगिएको छ ।

सुन तस्करी प्रकरणमा पक्राउ परेलगतै महरालाई भैरहवाबाट काठमाडौँ ल्याएर सीआईबी कार्यालय लगिएको हो।उनलाई आज म्याद थपको लागि सरकारी वकिल कार्यालय हुँदै काठमाडौँ जिल्ला अदालत बबरमहल लगिने सीआईबीले जनाएको छ ।

सीआईबीको स्कारपिओमा राखेर विमानस्थलबाट सिधै सीआईबी कार्यालय लगिएको हो ।