मालपोत कार्यालयका प्रमुख रावतको मृत्यु

रुपन्देही । मझँगवा मालपोत कार्यालयका प्रमुख तिलकबहादुर रावतको मृत्यु भएको छ ।

आइतबार राति सिद्धार्थनगर नगरपालिका–४ स्थित गौतमबुद्ध अन्तराष्ट्रिय विमानस्थलको गेट अगाडि बा २१ च ७५५३ नम्बरको कार र विपरित दिशाबाट आउँदै गरेको प्रदेश–३–०२–००१ ब ४८० नम्बरको मोटरसाइकल एक आपसमा ठोकिएर उनको मृत्यु भएको हो ।

मोटरसाइकलमा सवार कार्यालय प्रमुख नायव सुब्बा मुसीकोट नगरपालिका १ रुकुम पश्चिमका ४२ वर्षीय रावतको मृत्यु भएको जिल्ला प्रहरी कार्यालय रुपन्देहीका प्रमुख प्रहरी उपरीक्षक रंजितसिँह राठौरले बताए । उनको उपचारको क्रममा चिकित्सकले मृत्यु भएको घोषणा गरे ।