सुन तस्करी प्रकरणमा पक्राउ परेका कुष्ण बहादुर महरा हाजिरीमा छुटे

काठमाडौं । सुन तस्करी प्रकरणमा पक्राउ परेका नेकपा माओवादी केन्द्रका उपाध्यक्ष एवं पूर्वसभामुख कृष्णबहादुर महरा हाजिरी जमानतमा छोडिएको छ ।

केन्द्रीय अनुसन्धान ब्युरो (सीआईबी) लाई हाजिरी जमानतमा छाड्न सरकारी वकिल कार्यालयले अनुमति दिएपछि उनलाई छोडिएको हो ।

महरालाई हाजिरी जमानतमा छोडिएको सरकारी वकिलको कार्यालयले जनाएको छ ।

महराको बयान सकिएपछि हाजिरी जमानतमा छाडेर थप अनुसन्धान प्रक्रिया अघि बढाउन सीआईबीले सरकारी वकिलसँग अनुमति मागेको बुझिएको छ ।