माइतीघर मण्डलादेखि बानेश्वर चोकसम्मको निषेधित क्षेत्र दुई महिना समय थपियो

काठमाडौं । माइतीघर मण्डलादेखि बानेश्वर चोकसम्मको निषेधित क्षेत्र भित्र विरोधका बीच जिल्ला प्रशासन कार्यालय काठमाडौंले कायमै राखेको छ । शनिबारदेखि बढीमा दुई महिनासम्मका लागि पाँच जनाभन्दा बढी भेला, जुलुस प्रदर्शन, धर्ना, अनसन, घेराउ, सभाजस्ता आन्दोलन वा विरोधका कार्यक्रम गर्न निषेध गरिएको हो ।

स्थानीय प्रशासन ऐन, २०२८ को दफा ६ को उपदफा (३क) बमोजिम यस्तो आदेश जारी गरिएको जनाइएको छ । यसअघि पनि यी स्थानमा जिल्ला प्रशासन कार्यालय काठमाडौंले निषेधाज्ञा जारी गरेको थियो ।

माइतीघर मण्डलाको चारैतर्फ र माइतीघर मण्डलादेखि बबरमहल पूल हुँदै नयाँ बानेश्वर चोकसम्म निषेधाज्ञा कायम गरिएको छ ।