- २५ भाद्र २०८३, बिहीबार / Sep 10, 2026
हेटौंडा, ५ भदाै । मकवानपुरको हेटौंडा उपमहानगरपालिका–१९ स्थित बासुदेव खोलाले बगाएर बेपत्ता भएकी ११ वर्षीया सुमित्रा ब्लोनको शव तीन दिनपछि शुक्रबार बिहान फेला परेको छ।
साउन २ गते साँझ निर्मल माध्यमिक विद्यालय बस्तीपुरबाट घर फर्किने क्रममा लच्का तर्ने क्रममा चार बालिकालाई बासुदेव खोलाले बगाएको थियो। खोजीका क्रममा यसअघि ८ वर्षीया रोशनी स्याङतानको शव घटनास्थलबाट करिब ५ सय मिटर तल रुखको जरामा अड्किएको अवस्थामा फेला परेको थियो। अस्पताल पुर्याइएपछि उनलाई चिकित्सकले मृत घोषणा गरेका थिए।
त्यस्तै, १२ वर्षीया बिनिता ब्लोनको शव घटनाको भोलिपल्ट फेला परेको थियो। १३ वर्षीया सीमा ब्लोन भने खोलाबाट आफैं निस्कन सफल भएकी थिइन्। उनको उपचार भइरहेको छ। खोलाले बगाएका चारै बालिका मकवानपुरको राक्सिराङ गाउँपालिका–१ का हुन्।
