- १६ जेष्ठ २०८३, शनिबार / May 30, 2026
काठमाडौं । भारतका पूर्वप्रधानमन्त्री डा. मनमोहन सिंहको निधन भएको छ । सिंहको ९२ वर्षको उमेरमा गएराति निधन भएको भारतीय सञ्चामाध्यमले जनाएका छन् । बिहीबार aराति नयाँदिल्लीस्थित अल इन्डिया इन्स्टिच्युट अफ मेडिकल साइन्सेजमा निधन भएको हो ।
सिंह सन् २००४ देखि २०१४ सम्म भारतका प्रधानमन्त्री बनेका थिए । पूर्व अर्थमन्त्रीसमेत रहेका सिंहलाई भारतको अर्थतन्त्रको योजनाकारसमेत मानिन्छ । सन् १९९० को दशकमा भारतीय अर्थतन्त्र सुधारमा महत्त्वपूर्ण भूमिका निर्वाह गरेका उनी पिभी नरसिंह रावको नेतृत्वको सरकारमा सन् १९९१ देखि १९९६ सम्म अर्थमन्त्री भएका थिए । उनको समय आर्थिक उदारीकरण र समाजवादी अर्थतन्त्रको समयमा रूपमा लिइन्छ ।
२२ मे २००४ मा भारतका प्रधानमन्त्री भएका उनी २२ मे २००९ मा दोस्रो पटक भारतका प्रधानमन्त्री भए। खाडी युद्धले संसारलाई असर गरीरहेको समयमा उनी भारतका अर्थमन्त्री भएका थिए। सो समयमा वैदेशिक रोजगारी र रेमिट्यान्समा आएको गिरावटको कारण भारतमा संकट थियो। त्यसै समयमा सिंहले ‘राम्रो गर्न चाहेमा कसैले रोक्न नसक्ने’ बताउँदै सबैलाई उत्साहित बताएका थिए।
