- २६ असार २०८३, शुक्रबार / Jul 10, 2026
काठमाडौं । सरकारले मेलम्ची खानेपानी विकास समितिको नयाँ कार्यकारी निर्देशकका रूपमा जगरनाथ दासलाई नियुक्त गरेको छ ।
खानेपानी मन्त्रालयका अनुसार मन्त्रीस्तरीय निर्णयमार्फत उनलाई उक्त जिम्मेवारी दिइएको हो । दास यसअघि जनकपुरस्थित खानेपानी तथा ढल व्यवस्थापन कार्यालयका प्रमुखको जिम्मेवारी सम्हालिरहेका थिए । मेलम्ची खानेपानी विकास समितिका अनुसार उनले आइतबार नै कार्यकारी निर्देशकको रूपमा पदबहाली गरेका छन् ।
त्यसैगरी, समितिका पूर्व कार्यकारी निर्देशक रत्न लामिछानेलाई खानेपानी तथा ढल व्यवस्थापन विभागको उपमहानिर्देशक पदमा सरुवा गरिएको छ । सरकारले मेलम्ची खानेपानी आयोजना सञ्चालन र व्यवस्थापनमा निरन्तरता दिन नेतृत्वको फेरबदल गरेको बताइएको छ ।
