- ५ आश्विन २०८३, सोमबार / Sep 21, 2026
मकवानपुर । मकवानपुरमा किसानलाई अनुदान प्रदान गर्ने भएको छ । मकवानपुरको भीमफेदी गाउँपालिकाले कोदो र फापर खेती गर्ने किसानलाई अनुदान दिने भएको हो । भीमफेदीको एक हजार ६० रोपनी जग्गामा दुई सय ६६ किसानले कोदो रोपेका र त्यसबाट एक सय मेट्रिक टन कोदो उत्पादन हुने अनुमान गरिएको छ ।
गाउँपालिकाले वडा नम्बर ३ मा कोदो उत्पादन गर्ने किसानलाई नगद अनुदान वितरण गर्ने र गाउँपालिकाले अनुदान दिने घोषणा गरेपछि किसानहरु उत्साहित भएका छन् । चालु आर्थिक वर्षमा २० लाख रुपैयाँ कोदो उत्पादन बढाउन पालिकाले अनुदानको व्यवस्था गरेको पालिका अध्यक्ष हिदम लामाले जानकारी दिए ।
शुक्रवार नगद अनुदान वितरण लामाले सहरबजारमा कोदो र फापरको उपभोग बढेकाले उत्पादन बढाएर मुनाफा आर्जन गर्न किसानलाई आग्रह समेत गरे । गाउँपालिकाले पालिकाभित्र उत्पादित रैथाने बाली कोदो र फापरको न्यूनतम समर्थन मूल्य पनि निर्धारण गरेको छ ।
गाउँपालिकाको आर्थिक विकास समितिको निर्णयअनुसार चालु आर्थिक वर्षका लागि कोदोको न्यूनतम समर्थन मूल्य प्रतिकेजी ५५ र फापर प्रति केजी एक सय रुपैयाँ निर्धारण गरिएको छ ।
अध्यक्ष लामाले बताए ।
यो वर्ष अपेक्षाअनुसार मकै उत्पादन नभएकाले कोदोले त्यसको अभाव परिपूर्ति गर्ने उनको भनाई छ । अनुदान पाएका किसान बाहेक पालिकाका अन्यले किसानले पनि कोदो खेती गर्दै आएका छन् । भीमफेदीमा मात्र दुई हजार रोपनीभन्दा बढी क्षेत्रफलमा कोदो खेती भइरहेको छ ।
