- ३१ आश्विन २०८३, शनिबार / Oct 17, 2026
काठमाडौं । प्रधानमन्त्री केपी शर्मा ओलीसमक्ष भारतका विदेश मन्त्रालयका सचिव विक्रम मिस्रीले भेट गरेका छन् । विदेश सचिव बनेपछि छिमेकी मुलुकहरूलाई प्राथमिकता राख्दै शिष्टाचार भ्रमणमा आएको परराष्ट्र मन्त्रालयले जनाएको छ ।
विदेश सचिव मिश्रीले भ्रमणका क्रममा राष्ट्रपति, प्रधानमन्त्री र परराष्ट्रमन्त्रीसँग शिष्टाचार भेट गर्ने कार्यतालिका छ । परराष्ट्र सचिव सेवा लम्सालसँग उनको द्विपक्षीय कुराकानी गरेर मिश्री सोमबार स्वदेश फर्कने कार्यक्रम छ ।
विनयमोहन क्वात्राले अवकाश पाएपछि गत जुलाई १५ मा मिस्री विदेश सचिव बनेका थिए । उनले यसअघि भुटानको भ्रमण गरिसकेका छन् । विदेश सचिवमा बढुवा हुनुअघि मिस्री भारतको उप राष्ट्रिय सुरक्षा सल्लाहकार थिए । ५९ वर्षीय मिस्रीले भारतका प्रधानमन्त्रीहरू इन्द्रकुमार गुजराल, मनमोहन सिंह र नरेन्द्र मोदीको निजी सचिवको रुपमा काम गरेको अनुभव छ ।
