- ३१ भाद्र २०८३, बुधबार / Sep 16, 2026
धुलिखेल । पत्रकारका लागि पाँच दिने मोबाइल पत्रकारिता तथा अनलाईन पत्रकारिता तालिम काभ्रेको धुलिखेलमा शुरू भएको छ ।
सञ्चार रजिष्ट्रारको कार्यालय बागमती प्रदेश हेटौंडाको आयोजनामा आजदेखि सुरू भएको हो । घटनास्थलबाट कसरी प्रभावकारी समाचार प्रशारण गर्न सकिन्छ भनेर दिइएको तालिममा मोजो तर्फ २२ जना र अनलाइन तर्फ २० जना पत्रकारहरुको सहभागिता रहेको छ ।
सहभागी मध्य १२ जना महिला पत्रकार रहेका छन् । मोबाइल पत्रकारितामा प्रशिक्षक विकास कार्की र रामु सापकोटा छन् भने अनलाइन पत्रकारिता तालिममा उमेश श्रेष्ठ र प्रवेश सुवेदीले प्रशिक्षण दिइरहेका छन् ।
विभिन्न तालिम दिँदै आएको सञ्चार रजिष्ट्रारको कार्यालयले चालू आर्थिक वर्षमा तथ्याङ्क पत्रकारिता, चलचित्र पटकथा लेखन, अनलाइन तथा मोबाइल पत्रकारिता, रेडियो प्राविधिक ,चलचित्र पत्रकारिता लगायतका तालिम सम्पन्न गरीसकेको छ ।
हाल दिइएको अनलाइन र मोबाईलको प्रयोगद्वारा प्रभावकारी पत्रकारिता सिक्ने अवसर प्राप्त हुने सञ्चार रजिष्ट्रार रेवती प्रसाद सापकोटाले बताए।
