- १३ जेष्ठ २०८३, बुधबार / May 27, 2026
काठमाडौं, ३१ साउन । नेपालमा सक्रिय मनसुन प्रणाली कमजोर बनेको छ । मनसुनको न्यून चापीय रेखा सरदर स्थानको दक्षिणतर्फ रहेकाले वर्षा गतिविधि सामान्यभन्दा कम भएको मौसमविद्हरू बताउँछन् ।
मौसम पूर्वानुमान महाशाखाका अनुसार आज शनिबार दिउँसो सुदूरपश्चिम प्रदेशसहित देशका पहाडी भू–भागहरूमा सामान्य बदली रहनेछ भने अन्य स्थानहरूमा आंशिक बदलीको अवस्था रहनेछ ।
कुन – कुन क्षेत्रमा वर्षा ?
लुम्बिनी र सुदूरपश्चिम प्रदेशका पहाडी तथा तराई भू–भाग
बाँकी प्रदेशका पहाडी भू–भागका थोरै स्थानहरू
तराई भू–भागका एक–दुई स्थानमा
यी स्थानहरूमा मध्यम वर्षाको सम्भावना रहेको विभागले जनाएको छ । आज रातिसमेत कोशी र सुदूरपश्चिम प्रदेश लगायतका पहाडी क्षेत्रहरूमा सामान्य बदली रहनेछ भने अन्यत्र आंशिक बदलीको अवस्था रहने महाशाखाले जानकारी दिएको छ ।
