- ३१ आश्विन २०८३, शनिबार / Oct 17, 2026
काठमाडौं । काठमाडौंको कालोपुलमा एक युवक मृत भेटिएका छन् । ओखलढुंगाको लिखु गाउँपालिका–९ का हाल कालोपुलस्थित दयालक्ष्मी महर्जनको घरमा कोठा भाडा लिएर बस्दै आएका २० वर्षीय प्रेम महत दर्जी मृत भेटिएका हुन् । दर्जीको हत्या भएको हुनसक्ने आशंकामा दुई जनालाई नियन्त्रणमा लिएर अनुसन्धान अघि बढाइएको जिल्ला प्रहरी परिसर काठमाडौंका एसपी तथा प्रवक्ता नवराज अधिकारीले बताए ।
पक्राउ पर्नेहरुमा मृतक महतका श्रीमती ओखलढुंगाको मानेभन्ज्याङ गाउँपालिका–९ माधवपुर घर भएकी २४ वर्षीया उषा सार्की र सोही ठाउँका २७ वर्षीय मदन रम्तेल छन् । प्रारम्भिक अनुसन्धानको क्रममा महतको हत्या भएको खुलेको छ ।
शवको प्रकृति हेर्दा धारिलो हतियार प्रहार गरी हत्या गरेको देखिए पनि झुन्ड्याएर खसेको जस्तो बनाइएको एसपी अधिकारीले बताए । शव पोष्टमार्टमका लागि त्रिवि शिक्षण अस्पताल पठाइएको छ ।
