- २१ कार्तिक २०८३, शनिबार / Nov 7, 2026
बैतडी । मध्यावधिका लागि एमालेले मेची–महाकाली यात्रा सुरु गरेको छ । समृद्धिका लागि संकल्प यात्रा भनिए पनि एमालेले जनतासँग जोडिन मध्यावधिको नारा भिजाईरहेको स्थानीय राम
भट्टले बताए ।
एमाले अध्यक्ष ओलीले बैतडीको झुलाघाटबाट समृद्धि यात्राको सुरुवात गरेका हुन् । मध्यपहाडी लोकमार्गको पश्चिम अन्तिम बिन्दु मानिएको झुलाघाटबाट मुलुकको राष्ट्रिय झन्डाको झन्डोत्तोलन गरेर ओलीले बिहीबार संकल्प यात्राको शुभारम्भ गरे ।
करिब तीन सातासम्म चल्ने यो यात्रामा केन्द्रीय पदाधिकारी, केन्द्रीय निकायका अध्यक्ष र प्रमुख, भूगोल कार्यक्षेत्र नभएका स्थायी कमिटीका सदस्य र स्वास्थ्यकर्मीहरू सहभागी छन् ।
यात्राको शुभारम्भ गर्दै अध्यक्ष ओलीले पहाडी क्षेत्रको विकासका लागि जनताहरूसँग छलफल गर्ने बताएको छ । थुप्रै सम्भावना रहेको पहाडी क्षेत्रमा समृद्धिका लागि यो अभियानको आरम्भ गरिएको ओलीले जिकिर गरे ।
बैतडीको गोठलापानीमा आयोजना गरिएको आमसभामा ओलीले वर्तमान सरकारी कमिसन र तस्करीको बाटोमा हिँडिरहेको आरोप लगाए ।
समृद्धिका लागि थुपै्र सम्भावना रहेको मध्यपहाडी क्षेत्र रहेकाले सबै राजनीतिक दलले यहाँको सम्भावनालाई अनुशरण गर्नुपर्ने एमालेको दाबी छ । पुस १ गते पाँचथरको चिवाभन्ज्याङमा पुगेर यो यात्रा टुंगिने एमालेले जनाएको छ।
