- २२ कार्तिक २०८३, आईतवार / Nov 8, 2026
काठमाण्डौ । चालु आर्थिक वर्षको नेपालको आर्थिक वृद्धिदरको अनुमान सार्वजनिक भएको छ । चालु आर्थिक वर्ष २०८० र ८१ को आर्थिक वृद्धिदर ३ दशमलव ८७ प्रतिशत हुने प्रधानमन्त्री कार्यालय मातहतको राष्ट्रिय तथ्याङ्क कार्यालय मंगलबार सार्वजनिक गरेको हो ।
सरकारले चालु आर्थिक वर्षमा ६ प्रतिशतको आर्थिक वृद्धिदरको लक्ष्यसहित बजेट ल्याएको थियो । तर बजेटको लक्ष्यभन्दा आर्थिक वृद्धिदर न्यून हुने अनुमान केन्द्रीय तथ्याङ्क कार्यालयले गरेको छ ।
उपभोक्ता मूल्यमा ३ दशमलव ८७ प्रतिशतको वृद्धिदर भए पनि आधारभूत मूल्यमा भने ३ दशमलव ५४ प्रतिशत रहेको कार्यालयले जनाएको छ । यससँगै नेपालको अर्थतन्त्रको आकार ५७ खर्ब ४ दशमलव ८ अर्ब रुपैयाँ पुगेको छ ।
नेपालीको प्रतिव्यक्ति आय औसतमा वार्षिक १ हजार ४ सय ५६ अमेरिकी डलर पुगेको छ । यो तथ्याङ्कबाट अर्थतन्त्रका सूचकाङ्क सकारात्मक नै रहेको सङ्केत गरेको र ६ देखि ८ महिनाको तथ्याङ्कलाई आधार लिएर प्रक्षेपण गरिएको कार्यालयले जनाएको छ ।
