- ९ जेष्ठ २०८३, शनिबार / May 23, 2026
काठमाडौं । पार्टी अध्यक्ष माधवकुमार नेपाल र सम्मानित नेता झलनाथ खनालको वैचारिक असहमतिका कारण नेकपा एसको राष्ट्रिय महाधिवेशन अन्योलमा परेको छ ।
हिजो सोमबारको बैठकमा एकीकृत समाजवादीले राष्ट्रिय महाधिवेशनको नयाँ मिति तोक्न नसकेपछि बैठक आज बोलाइएको छ।
सोमबार पार्टी कार्यालय आलोकनगरमा बसेको सचिवालय बैठकमा मिति सार्नेबारे छलफल भए पनि मिति अन्योल भएको उपहासचिव जगन्नाथ खतिवडाले बताए । आज ११ बजे बस्ने बैठकले मिति तय गर्ने उनको भनाइ छ।
माघ १४ देखि १८ गतेसम्म महाधिवेशन गर्ने निर्णय भएको थियो । पार्टीको जागरण अभियानको सन्देश, जाजरकोट भूकम्प र राष्ट्रियसभाको निर्वाचनका कारण मिति सार्नुपर्ने नेताहरूको भनाइ छ ।
