- ७ जेष्ठ २०८३, बिहीबार / May 21, 2026
काठमाडौं । टी–२० आई सिरिजमा अमेरिकालाई नेपालले क्लीन स्वीप गरेको छ। सोमबार अमेरिकाको डालासमा भएको टी–२० शृंखलाको तेस्रो खेलमा घरेलु टोली अमेरिकालाई ८ विकेटले पराजित गर्दै नेपालले कब्जा जमाएको हो ।
जितका लागि १५७ रनको लक्ष्य पाएको नेपालले आठ बल बाँकीछंदै २ विकेटको क्षतिमा लक्ष्य भेट्टाएको थियो । नेपालका लागि आशिफ शेखले अर्धसतक प्रहार गरे । उनले ३९ बलमा २ छक्का र ५ चौका प्रहार गरे। यसैगरी अनिल शाहले १३ रनको योगदान गरे।
कुशल मल्ल ४४ रन र कुशल भुर्तेलले ४० रनमा अविजित रहे। मल्लले ३० बलमा १ छक्का र ४ चौका प्रहार गरे। त्यसैगरी भुर्तेलले ३२ बलमा १ छक्का र २ चौका प्रहार गरे। अमेरिकाका लागि जुआनोय ड्रिसडेल र जसदीप सिंहले १–१ विकेट लिएका थिए ।
