- ३१ आश्विन २०८३, शनिबार / Oct 17, 2026
काठमाडौँ, ३१ असाेज । सरकारी स्वामित्वको नेपाल औषधि लिमिटेडको रिक्त महाप्रबन्धक पदका लागि १३ जना उम्मेदवार प्रतिस्पर्धामा रहेका छन् ।
उद्योग, वाणिज्य तथा आपूर्ति मन्त्रालयले खुला प्रतिस्पर्धाबाट महाप्रबन्धक नियुक्त गर्ने प्रक्रियाअन्तर्गत उम्मेदवारहरूको व्यावसायिक कार्ययोजना प्रस्तुतीकरण तथा अन्तर्वार्ताको कार्यतालिका सार्वजनिक गरेको छ ।
मन्त्रालयले जारी गरेको सूचनाअनुसार दरखास्त स्वीकृत भएका १३ जना उम्मेदवारको व्यावसायिक कार्ययोजना प्रस्तुतीकरण र अन्तर्वार्ता आगामी कात्तिक १५ गतेदेखि १७ गतेसम्म सञ्चालन हुनेछ ।
उक्त प्रक्रियापछि प्रतिस्पर्धामा रहेका उम्मेदवारमध्येबाट नेपाल औषधि लिमिटेडको महाप्रबन्धक नियुक्त गर्ने प्रक्रिया अघि बढ्नेछ ।
