- १९ कार्तिक २०८३, बिहीबार / Nov 5, 2026
काठमाडौँ, ३१ असाेज । निर्वाचन आयोगले मतदाता नामावली अद्यावधिक गर्दा एक लाख ८७ हजार ६८६ जना नयाँ मतदाता थपिएका छन् । आयोगले शुक्रबार सार्वजनिक गरेको विवरणअनुसार मृत्यु भएका तथा अन्य कारणले अयोग्य भएका व्यक्तिको नामसमेत नामावलीबाट हटाइएको छ ।
आयोगका अनुसार गत चैत २२ गतेदेखि भदौ १५ गतेसम्मको अद्यावधिक विवरणमा ९७ लाख ६९ हजार ८२५ पुरुष, ९३ लाख २१ हजार ३३६ महिला र २१४ अन्य मतदाता कायम भएका छन् । यसअघि प्रतिनिधिसभा निर्वाचनमा एक करोड ८९ लाख तीन हजार ६८९ जनाले मताधिकार पाएका थिए । त्यसपछि अद्यावधिक प्रक्रियामार्फत नयाँ मतदाता थपिएका हुन् ।
आयोगले मृत्यु भएका ४५ हजार ३२२ जनाको नाम हटाएको जनाएको छ । त्यस्तै, दोहोरो नाम भएका, नागरिकता त्यागेका वा रद्द भएका लगायतका कारणले थप एक लाख १२ हजार ९४२ जनाको नाम हटाइएको छ । यसरी विभिन्न कारणले कुल एक लाख ५८ हजार २६४ जनाको नाम मतदाता नामावलीबाट हटाइएको आयोगले विज्ञप्तिमार्फत जनाएको छ ।
मतदाता नामावली अद्यावधिक गर्ने प्रक्रियाले योग्य मतदाताको विवरण व्यवस्थित राख्न र दोहोरो वा अयोग्य नाम हटाउन सहयोग पुग्ने आयोगको कामको उद्देश्य हो ।
