- २० कार्तिक २०८३, शुक्रबार / Nov 6, 2026
यस वर्षको मनसुन नेपालको सम्पूर्ण भू–भागबाट बाहिरियो ।
मनसुन असोज १७ गतेदेखि बाहिरिन सुरु भएको थियो ।
नेपालबाट मनसुन बाहिरिने सरदर मिति अक्टोबर २ हो ।
यस वर्ष सरदर समयभन्दा १२ दिन ढिलो मनसुन बाहिरिएको छ ।
मनसुन बाहिरिए पनि स्थानीय र पश्चिमी वायुको प्रभाव रहन सक्ने भएकाले मौसमको सूचना लिन आग्रह गरिएको छ ।
काठमाडौँ, २८ असाेज । यस वर्षको मनसुन नेपालको सम्पूर्ण भू–भागबाट पूर्ण रूपमा बाहिरिएको छ । जल तथा मौसम विज्ञान विभागको मौसम पूर्वानुमान महाशाखाका अनुसार बुधबार मनसुन नेपालबाट बाहिरिएको हो ।
महाशाखाका अनुसार यस वर्ष असोज १७ गतेदेखि मनसुन बाहिरिन सुरु भएको थियो । सुरुमा सुदूरपश्चिम, कर्णाली र लुम्बिनी प्रदेशका पश्चिमी भू–भागका अधिकांश स्थान तथा गण्डकी प्रदेशको पश्चिमी क्षेत्रका केही स्थानबाट मनसुन बाहिरिएको थियो ।
नेपालमा मनसुन बाहिरिने सरदर मिति अक्टोबर २ अर्थात् असोज १६ गते आसपास भए पनि यस वर्ष सरदर समयभन्दा १२ दिन ढिलो गरी मनसुन बाहिरिएको महाशाखाले जनाएको छ ।
मनसुन बाहिरिए पनि स्थानीय वायु तथा पश्चिमी वायुको प्रभाव रहन सक्ने भएकाले मौसममा परिवर्तन आउन सक्ने विभागले जनाएको छ । त्यसैले पछिल्लो मौसमी सूचना तथा पूर्वानुमानबारे जानकारी लिन सर्वसाधारण र सम्बन्धित निकायलाई महाशाखाले आग्रह गरेको छ ।
