भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

तीन महिनामै ३ अर्ब ६४ करोडको चामल आयात, कृषिप्रधान देशकै अर्बौं रुपैयाँ विदेशियो

तीन महिनामै ३ अर्ब ६४ करोडको चामल आयात, कृषिप्रधान देशकै अर्बौं रुपैयाँ विदेशियो

मुख्य बुँदा

चालु आर्थिक वर्षको पहिलो तीन महिनामा ३ अर्ब ६४ करोड रुपैयाँभन्दा बढीको चामल र कनिका आयात भएको छ ।

तीन महिनामा ३ करोड ८१ लाख ७४ हजार ३९३ केजी चामल र कनिका भित्रिएको छ ।

आयातबाट सरकारले ३२ करोड ७७ लाख रुपैयाँभन्दा बढी राजस्व सङ्कलन गरेको छ ।

चामल र कनिकाको सबैभन्दा ठूलो हिस्सा भारतबाट आयात भएको छ ।

आन्तरिक उत्पादनले माग धान्न नसक्दा नेपाल खाद्यान्न आयातमा निर्भर रहनुपरेको छ ।

काठमाडौँ, ११ कार्तिक । कृषिप्रधान मुलुक नेपालले चालु आर्थिक वर्षको पहिलो तीन महिनामै विदेशबाट ३ अर्ब ६४ करोड रुपैयाँभन्दा बढीको चामल र कनिका आयात गरेको छ । आन्तरिक उत्पादनले माग धान्न नसक्दा ठूलो रकम खाद्यान्न आयातमा खर्च गर्नुपरेको हो ।

भन्सार विभागले सार्वजनिक गरेको आर्थिक वर्ष २०८३/८४ को साउनदेखि असोज मसान्तसम्मको तथ्याङ्कअनुसार नेपालले विभिन्न मुलुकबाट ३ करोड ८१ लाख ७४ हजार ३९३ केजी चामल र कनिका आयात गरेको छ । यस अवधिमा चामल र कनिका आयातमा ३ अर्ब ६४ करोड १७ लाख १५ हजार रुपैयाँ विदेशिएको छ । उक्त आयातबाट सरकारले ३२ करोड ७७ लाख ३५ हजार रुपैयाँ राजस्व सङ्कलन गरेको विभागको तथ्याङ्कमा उल्लेख छ ।

नेपालले आयात गरेको चामल र कनिकाको सबैभन्दा ठूलो हिस्सा भारतबाट आएको छ । समीक्षा अवधिमा भारतबाट १ करोड ४४ लाख ४९ हजार ४५६ केजी बासमती चामल, २ करोड २८ लाख ८३ हजार ७८८ केजी अन्य चामल, ६ लाख ४९ हजार ६६० केजी कनिका र ३१४ केजी खैरो चामल आयात भएको छ ।

भारतबाहेक थाइल्यान्डबाट ५०० केजी खैरो चामल आयात भएको छ । भियतनामबाट ३५ केजी खैरो चामल र १ लाख ८९ हजार केजी अन्य चामल भित्रिएको छ । यस्तै, इटालीबाट १ हजार ८० केजी र पोल्यान्डबाट ५६० केजी अन्य चामल आयात भएको तथ्याङ्कले देखाउँछ ।

कृषि उत्पादनका लागि अनुकूल वातावरण र ठूलो जनशक्ति हुँदाहुँदै पनि नेपालले आन्तरिक माग पूरा गर्न चामल आयातमा निर्भर रहनुपरेको छ । यसले खाद्यान्नमा आत्मनिर्भर बन्ने लक्ष्यसामु चुनौती थपिएको देखाउँछ । स्वदेशमै धान उत्पादन बढाउन सिँचाइ सुविधा विस्तार, उन्नत बीउको उपलब्धता, कृषि यान्त्रीकरण र किसानलाई बजारको सुनिश्चितता गर्न सके आयातमा निर्भरता घटाउन सकिने अपेक्षा गरिएको छ ।

 


Thali Mobile Pvt.Ltd.