- १ भाद्र २०८३, सोमबार / Aug 17, 2026
दाङ । राष्ट्रिय सभा निर्वाचनको लागि भएको मतदान सकिएको छ । ३ सय ५ मतदाता रहेको लुम्बिनी प्रदेशमा ३०३ मत खसेको र बाँकी दुई जना अनुपस्थित रहेको जनाइएको छ ।
मतदानको काम सकिएको निर्वाचन अधिकृत कुलप्रसाद पान्डेले बताए ।प्रदेश सभा तर्फबाट सबै ८७ मत खसेको र स्थानीय तहका २१८ मत मध्ये २१६ मत खसेको छ ।
मतदानको समय ३ बजे सम्म रहेपनि बाँकेको नरैनापुर गाउँपालिका उपाध्यक्ष जयन्तीदेवि श्रीवास्तव र रुपन्देही मायादेवी गाउँपालिका उपाध्यक्ष नर्वदा उपाध्याय आउन नसक्ने जानकारी गराएपछि मतदानको काम सम्पन्न भएको हो ।
दुई सिटका लागि भएको निर्वाचनमा ८७ प्रदेश सभा सदस्य र २१८ स्थानीय तहका प्रमुख उपप्रमूख गरि ३०५ मतदाता रहेका थिए । ६ जना उम्मेदवार प्रतिष्पर्धामा छन् ।
अहिले मुचुल्काको काम भैरहेको छ । ३ बजेपछि मत गणनाको काम शुरु हुने निर्वाचन अधिकृत कुलप्रसाद पान्डेले बताए ।
