- २६ भाद्र २०८३, शुक्रबार / Sep 11, 2026
नुवाकोट । डढेलोको समस्या विकराल देखिन थालेको छ । सयौं हेक्टर वन क्षेत्रमा डढेलो लागेर नष्ट भएको हो । नुवाकोटमा वर्षेनी डढेलोको समस्या हुने गरेको छ । धेरै सडकमार्गमा अग्नी सुरक्षाको कार्य भइरहेको डिभिजन वन कार्यालय नुवाकोटले जनाएको छ ।
५० वटा वन क्षेत्रमा डढेलो लागेको पुष्टि भएको वन कार्यालय नुवाकोटले जनाएको छ । डिभिजनल वन अधिकृत रोशना पोखरेलका अनुसार डढेलोले रुख, बुट्यान, जंगली जनावरका साथै चराचुरुङ्गी क्षति हुने गरेका छन् । डढेलोले सर्वसाधारणको जीउधनको क्षति नहोस् भनेर आवश्यक कार्य भइरहेको अधिकृत पोखरेलले बताइन् ।
जंगलमा डढेलो सुरक्षाका लागि १० जना हरित स्वम्सेवक नियुक्त गरेर डढेलो नियन्त्रणका आवश्यक कार्य भइरहेको छ । हरित स्वयमसेवकका लागि पाँच महिनाको नियुक्ति दिएर १० लाख रुपैयाँ तलबभत्ता र एक लाख रुपैयाँको जीवन बिमासमेत गरिदिएको छ ।
यसबाहेक सघीय सरकारले तीन लाख रुपैयाँ पठाउने गरेको छ । सो रकम आगजनी नियन्त्रणका लागि अपुग भएको वन प्राविधिक बताउँछन् । नुवाकोटको वन क्षेत्रको संरक्षण तथा डढेलो नियन्त्रणका लागि वर्षको २३ लाख रुपैयाँ खर्च हुने कर्मचारीहरुको भनाइ छ ।
