- १ कार्तिक २०८३, आईतवार / Oct 18, 2026
काठमाडौं । कात्तिक अन्तिम साता या मंसिर पहिलो साता प्रधानमन्त्री केपी शर्मा ओलीले चीन भ्रमणको तयारी थालेका छन् । परराष्ट्र मन्त्रालय र विकास योजनासँग सम्बन्धित मन्त्री तथा सचिव डाकेर चीनसँगको सम्झौता (बीआरआई)को प्रगतिबारे फलोअप गर्न निर्देशनसमेत दिइएको उनको सचिवालयले जनाएको छ ।
सन् २०१७ मै बीआरआई फ्रेमवर्कमा समझदारी भइसकेको र अब कार्यान्वयनमा ढिलासुस्ती हुन नदिन चिनियाँ पक्षले चासो देखाइरहेका बेला ओलीको बेइजिङ भ्रमण महत्वपूर्ण सावित हुने स्रोतको दावी छ । चौथोपल्ट प्रधानमन्त्री बनेका ओली राष्ट्रसंघ महासभामा भाग लिने क्रममा अमेरिका पुगेका थिए ।
त्यहाँ भारतीय प्रधानमन्त्री नरेन्द्र मोदीसँग साइडलाइन भेट पनि गरेका थिए । तर उनीहरुबीच सौहार्दता भने हुन नसकेको सहभागि नेताहरुको भनाइ छ । चीनसँगको आर्थिक विकास फ्रेमवर्क बीआरआई, ऊर्जा तथा व्यापार लगायत विषयमा गहन छलफल अघिबढिसकेको बालुवाटार स्रोतले जनाएको छ ।
