- १३ जेष्ठ २०८३, बुधबार / May 27, 2026
ललितपुर । लागुऔषधसहित २ जना युवक पक्राउ परेका छन् ।
मकवानपुर घर भई नख्खु बस्ने ३० वर्षीय सुजनसिंह ठकुरी र रामेछाप घर भई बल्खु बस्ने ३० वर्षीय बिन्दा तामाङलाई ललिपुर महानगरपालिका २५ नख्खुबाट प्रहरीले पक्राउ गरेको हो ।
भैसेपाटिबाट खटिएको प्रहरी टोलीले उनीहरूको साथबाट १९० नुर्फिन, १९० फेनारन, १९० डाइजपाम, ट्रामाडोल ६६ प्रयोग भएका तथा नभएका सिरिन्जहरू बरामद गरेको छ ।
उनीहरूले प्रयोग गरेको एउटा मोटरसाइकल पनि बरामद गरिएको प्रहरीले जनाएको छ । प्रयोगकर्ता र बिक्रेतासमेत पक्राउ परेको प्रहरीको दाबी छ ।
