भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

पर्वत र सुनसरीमा सवारी दुर्घटना: ४ जनाको मृत्यु, ४ घाइते

पर्वत र सुनसरीमा सवारी दुर्घटना: ४ जनाको मृत्यु, ४ घाइते

पर्वत / सुनसरी,  १५असार । देशका दुई छुट्टाछुट्टै स्थानमा भएका सवारी दुर्घटनामा चार जनाको मृत्यु भएको छ भने चार जना घाइते भएका छन्। पर्वत जिल्लाको फलेवास नगरपालिका–८ नेपानेमा गएराति ग १ ज ६९७ नम्बरको जीप दुर्घटना हुँदा एक जनाको मृत्यु र दुई जना घाइते भएका छन्।

लमाएखोलाबाट फलामखानीतर्फ जाँदै गरेको जीप सडकबाट झन्डै १५० मिटर तल खसेको थियो। दुर्घटनामा फलेवास–८ का ३९ वर्षीय डोलबहादुर क्षेत्री गम्भीर घाइते भई उपचारका लागि पोखरा लैजाँदै गर्दा बाटोमै मृत्यु भएको हो।

दुर्घटनामा फलेवास–७ का ३४ वर्षीय विक्रम सुनार र वडा नं ८ का ३३ वर्षीय सुरज सुनार घाइते भएका छन्। उनीहरू पोखराको गण्डकी मेडिकल कलेजमा उपचाररत छन् र अवस्था खतरामुक्त रहेको प्रहरीले जनाएको छ। दुर्घटनाको कारणबारे अनुसन्धान भइरहेको प्रहरी निरीक्षक रामप्रसाद सापकोटाले जानकारी दिए।

सुनसरी जिल्लाको रामधुनी नगरपालिका–७ स्थित चतरा–कान्छी चोक सडक खण्डमा भएको मोटरसाइकल दुर्घटनामा तीन जनाको मृत्यु र दुई जना गम्भीर घाइते भएका छन्। गएराति विपरीत दिशाबाट आउँदै गरेका दुई मोटरसाइकल ठोक्किँदा रामधुनी–६ का ३४ वर्षीय इनर्चन चौधरी, उनका ९ वर्षीय छोरा प्रनिष चौधरी, र इनरुवा–६ का ५१ वर्षीय बिन्दु यादवको ज्यान गएको हो।

दुर्घटनामा इनर्चन चौधरीकी ३२ वर्षीया श्रीमती प्रतीक्षा चौधरी र अर्को मोटरसाइकलमा सवार इटहरी–७ का ३६ वर्षीय रमेश चौधरी गम्भीर घाइते छन्। उनीहरूको उपचार धरानस्थित बीपी कोइराला स्वास्थ्य विज्ञान प्रतिष्ठानमा भइरहेको छ। पुलिसले दुवै घटनाको अनुसन्धान अगाडि बढाइरहेको छ।

 


Thali Mobile Pvt.Ltd.