भर्खरै : Sorry, your browser does not support inline SVG.
पोखरामा प्यारापाइलट उत्पादन गर्ने पहिलो स्कुल सञ्चालनमा, १ करोड ५० लाख लगानी | भक्तपुर नगरव्यापी विद्यालयस्तरीय खेलकुद प्रतियोगिता सुरु, ८४ विद्यालयका ३२ सयभन्दा बढी विद्यार्थी सहभागी | असोजमा महँगी ६.३७ प्रतिशत पुग्यो, घिउतेल र फलफूलको मूल्य सबैभन्दा धेरै बढ्यो | नक्कली शैक्षिक प्रमाणपत्र प्रयोग गरी बढुवा लिएको आरोपमा अनुसन्धान विभागका अधिकृतविरुद्ध मुद्दा | दुई महिनामा ८८७ व्यावसायिक फर्ममा अनुगमन, ७४ लाई कारबाही | असोजमा रेमिट्यान्सको ऐतिहासिक कीर्तिमान, एकै महिनामा भित्रियो २ खर्ब ६७ अर्ब | नेपाली सेनाको प्रवक्तामा सहायक रथी राजेन्द्र श्रेष्ठ नियुक्त | काठमाडौं विश्वकै तेस्रो प्रदूषित सहर, प्रदूषण नियन्त्रणको कार्ययोजना सार्वजनिक गर्दै महानगर |

ह्याङ्ला रिमठिम तामाङ डम्फू संघ नेपालको उद्घाटन सम्पन्न, भाषा र संस्कृतिको जगेर्नामा जोड

ह्याङ्ला रिमठिम तामाङ डम्फू संघ नेपालको उद्घाटन सम्पन्न, भाषा र संस्कृतिको जगेर्नामा जोड

काठमाडौँ, १४ असार । तामाङ समुदायको मौलिक भाषा, संस्कार, संस्कृति र कला–संंगीतको संरक्षण तथा प्रवर्द्धन गर्ने उद्देश्यसहित स्थापना गरिएको ह्याङ्ला रिमठिम तामान डम्फू संघ नेपालको उद्घाट भव्य रूपमा सम्पन्न भएको छ।

कार्यक्रमको उद्घाटन गर्दै गोकर्णेश्वर नगरपालिका उपप्रमुख सान्नी लामाले तामाङ भाषाको संरक्षण र नयाँ पुस्तामा यसको हस्तान्तरणको आवश्यकतामाथि जोड दिनुभयो। उहाँले भन्नुभयाे “तामाङ जुहारी हेर्दा, भाषालाई जगेर्ना गर्दा निकै खुशी लाग्छ।

विदेशी भाषाभन्दा आफ्नै मातृभाषा राम्रो लाग्छ, तामाङहरूले अनिवार्य रूपमा सिक्नुपर्छ। पछिल्लो पुस्तालाई सिकाउनैपर्छ, विदेशसम्म फैलाउनुपर्छ।”

उपप्रमुख लामाले तामाङ जातिका सबैलाई एक ठाउँमा उभिन आह्वान गर्दै सहयोगका लागि आफू सधैं तत्पर रहेको बताउनुभयो।

साथै, उहाँले सरकारको बजेट वितरण प्रणालीप्रति पनि गुनासो व्यक्त गर्दै भन्नुभयो: “मठ–मन्दिरलाई सजिलै बजेट छुट्याइन्छ, तर गुम्बा, छाेर्तेन र तामाङ संस्कृति जगेर्नासँग जोडिएका संरचनालाई बजेट दिइँदैन। प्रदेश प्रमुख हाम्रै समुदायका हुनुहुन्छ, तर हामीलाई नै सहयोग हुँदैन।”

कार्यक्रममा तामाङ दिदीबहिनीहरू र दाजुभाइले प्रस्तुत गरेको जुहारी, डम्फू नृत्य, र सांस्कृतिक गीत–संगीतले उत्सवलाई अझै उल्लासमय बनाएकाे थियाे ।

संघकाे पदाधिकारीहरूले वार्षिकोत्सवको अवसरमा आगामी दिनमा तामाङ समुदायको अधिकार, संस्कृति र पहिचानको सवालमा एकजुट भएर अगाडि बढ्ने प्रतिबद्धता व्यक्त गरेका छन् ।

 


Thali Mobile Pvt.Ltd.