- ३१ आश्विन २०८३, शनिबार / Oct 17, 2026
काठमाडौं । राष्ट्रिय प्रजातन्त्र पार्टीकी सांसद रोशन कार्कीले संघीय संसद सचिवालयका कर्मचारीहरुको न्यायोचित माग सम्बोधन गर्न सरकारसँग आग्रह गरेकी छन्। आइतबार प्रतिनिधिसभा बैठकको आकस्मिक समयमा बोल्दै सांसद कार्कीले संघीय संसद सचिवालयका कर्मचारीहरुको न्यायोचित मागलाई सम्बोधन गर्नुपर्ने बताएकी हुन्।
साथै उनले प्रधानमन्त्री पुष्पकमल दाहाललाई राजीनामा दिन सुझाव दिएकी छिन् । ‘हाम्रा सहयोगीहरू बाहिर आन्दोलनमा प्लेकार्ड बोकेर बसेका छन्’, उनले भनिन्, ‘चारैतिर आन्दोलन छ कतै केही छैन । अति भयो यो उथलपुथल नमच्चाउनुस् बरु राजीनामा दिनुस् ।’
उनले कर्मचारीहरुले अतिरिक्त समयमा गरेको कामको भत्ता नपाएका र सरुवा पनि नहुने भन्दै उनीहरुमाथि अन्याय गर्नु नहुने बताइन्। उनले कर्मचारीहरुको माग पूरा गर्न अर्थमन्त्रीको ध्यानाकर्षण गराइन्।
