काठमाण्डौमा हैजाको जोखिम बढ्दै, तीन जना हैजाका बिरामी भेटिए

काठमाण्डौ । काठमाण्डौमा हैजाका बिरामी भेटिएका छन् । परीक्षण गर्दा कालीमाटी क्षेत्रका तीन जना पुरुषमा हैजा पुष्टि भएको हो ।
राष्ट्रिय जनस्वास्थ्य प्रशोगशालामा उरीक्षण गर्दा हैजाका विरामी भेटीएको स्वास्थ्य कार्यालय काठमाण्डौले जनाएकाे छ ।

हैजाको जीवाणु सङ्क्रमित खाना वा पानी, सरसफाइ तथा स्वच्छ खानेपानीको कमीले लाग्ने गर्दछ । सङ्क्रमितको समयमै उपचार नभएमा ज्यान पनि जान सक्छ । हैजाका मुख्य लक्षणमा पातलो तथा चौलानी पानी जस्तो दिसा, वाकवाकी र बान्ता हुने, कडा जलवियोजन हुने लक्षण रहेको छ ।

बिरामीको शुक्रराज ट्रपिकल तथा सरुवा रोग अस्पतालमा उपचार भइरहेको छ । यसअघि ललितपुरको एक सुधार केन्द्रमा हैजाका ७ जना बिरामी भेटिएका थिए ।