विमानस्थलमै जहाज दुर्घटना, २८ जनाको घटनास्थलमै मृत्यु

काठमाडौं । दक्षिण कोरियाको विमानस्थलमै जहाज दुर्घटना भएको छ। बिहान ९ बजे दक्षिणी जिओल्ला प्रान्तको मुआन अन्तर्राष्ट्रिय विमानस्थलभित्रै जेजु एयरको जहाज दुर्घटना भएको हो ।

थाइल्याण्डको बैंककबाट आएको जहाज मुआनमा अवतरणका क्रममा धावनमार्गबाट चिप्लिएर पर्खालमा ठोक्किन गई दुर्घटना भएको बताइएको छ । दुर्घटनामा २८ जनाको घटनास्थलमै मृत्यु भएको छ । जहाजमा १७५ यात्रु र चालक दलका ६ सदस्य सवार थिए ।

दुर्घटनाग्रस्त जहाजबाट दुई जनालाई जिवितै उद्धार गरिएको त्यहाँका अग्नि नियन्त्रक अधिकारीले बताएका छन् । ल्याण्डिङ गियरमा खराबीका कारण दुर्घटना भएको अधिकारीहरूले बताएका छन् । उद्धार कार्य चलिरहेकाले मृत्यु हुनेको संख्या बढ्न सक्ने बताइएको छ।