जेनजीको आन्दोलनपछि खाली भएका प्रहरी वृत्तमा काम सुरु

मुख्य बुँदा 

जेनजीको आन्दोलनपछि खाली भएका प्रहरी वृत्तमा काम सुरु

सम्पर्क विच्छेद भएका प्रहरी कर्मचारीहरू फिर्ता आएपछि सेवा सञ्चालन

कार्यालय सरसफाइमा प्रहरीहरू केन्द्रित

काठमाण्डौ उपत्यकाका १७ प्रहरी वृत्त डीएसपीको नेतृत्वमा

स्थानीय बासिन्दाले प्रहरीलाई स्वागत गर्दै सरसफाइमा सहयोग

काठमाडौँ, २७ भाद्र । जेनजीको आन्दोलनपछि खाली भएका काठमाडौँ उपत्यकाभित्रका प्रहरी वृत्तमा काम पुनः सुरु भएको छ। सम्पर्क विच्छेद भएका सबै प्रहरी कर्मचारीहरू फिर्ता आएलगत्तै वृत्तबाट सेवा सञ्चालन भएको नेपाल प्रहरीले जनाएको छ।

फर्किएका प्रहरीहरू अहिले मुख्य रूपमा कार्यालय सरसफाइमा केन्द्रित रहेका छन्। काठमाडौँ उपत्यकाका तीन जिल्ला, १७ प्रहरी वृत्त डीएसपीको नेतृत्वमा काम गर्दै आएका छन्। आन्दोलनका क्रममा उपत्यकाभित्रका प्रहरी वृत्तमा आगजनी र तोडफोड भएको थियो।

सबै सुरक्षाकर्मीहरू सम्पर्कमा आएलगत्तै काममा खटिएका छन्। ललितपुरको भैँसेपाटीका स्थानीय बासिन्दाले तोडफोडमा परेको चौकी सफा गरी प्रहरीलाई बस्न आमन्त्रण गरेका थिए। स्थानीयले प्रहरीलाई फूलमाला लगाएर स्वागतसमेत गरेका थिए।